«Слово» – Неділя вшытых святых – неділя, 9.00 год.

Днешня неділя є недільов вшыткых святых. А то зато, бо опередньой неділі сьме праздновали праздник Сошествія Святого Духа. А плодом Його приходу суть святы.

Свята Церьков кладе перед нас велике множество святых: апостолів, мучеників, преподобных. Многы із них находять ся в нашім літурґічнім календарю на каждый день. Далшы суть в календарях іншых Церьквей а о дакотрых ани не знаме. Не суть выголошены Церьквов за святых. Але на тых Церьков памятать в деншній день.

Але днешня неділя нас не лем позывать прославляти тото множество святых, але тыж вызывать і нас іти дорогов святости. Тоты вшыткы были такы самы люде як і мы. Но предці были в чімсь іншы. В тім, же Бог і Його заповіди быв у них на першім місці в їх жывоті.

І днешнє Євангеліє давать нам улословя як іти дорогов святости: Признавати ся ку Хрістови в каждій сітуації – не лем коли нам є то приємне, кедь нас то нич не стоїть. Але тыж і втогды, кедь за Його імя ці Його слова треба зазнавати высміваня, зневажованя, пропнаслідованя а може і смерть. А не лем сповідовати нашыма устами, але тыж і нашым жывотом. Далше любов ку Хрістови поставити высше понад любов ку родічам, близкым, ку вшыткому земному. Брати каждый день свій крест і іти за ним, або іти з ним, бо Він юпвів: Я ьм із вами…

Коли тото приймеме і запровадиме до нашого жывота, втогды під веджіньом Святого Духа, буде іти дорогов святости. Слава Ісусу Хрісту!

В неділю, 14. юна 2020 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 14. юна о 12.00 год. і 15. юна о 2.00 год. за русиньскым часом.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА