«Говорить Пряшів» – пятниця, 18.10 год.

Не знам, як в Вас, але в нас дальше ліє. Вшыткы думали, же дощова хвиля буде лем до кінця мая, же в червци/юнію буде веце сонця. Но, сонце приде – як все – лем треба буде на него кусіся пождати.

Не треба нарікати, бодай на ґаздівках буде ся родило. Уж тепер знатя, што за тоты планны місяці не было снігу, а пак нияк не ляло, страты можут быти великы. Добрі, же хоц тепер нам капкат з небес, же хоц тепер нашы ґаздове дакус меньше мусят нарікати.

Так ся в жытю приняло, же кєд капкат, то є добрі. Незалeжно од того, ци дощ ци дашто інче. Кєд капкают дукаты, товды тіж ся каждому любит.

Оне капканя переложыти можеме ци не абы і до радия. Што тыжден, преця, капне слухачам новый проґрам, свіжы інформациі. Не інакше єст з авдицийом «Говорить Пряшів», де в кажду пятницю приносиме Вам порцийку істориі, культуры і літературы. Того нам николи не мало.