«Радийочытальня»: Зима – субота, 18.00 год.

Зима то пора рока, котра выкликує ріжны, часто крайны емоциі. Сніжна і легко морозиста служыт зимовым спортам і штораз популярнійшым купелям морсів. Tака зима, на жаль, єст тяжка для шоферів і мучыт дикы звірята.

Тепер, коли климат фурт ся отеплят, зимы стают ся штораз лагіднійшы і коротшы. На щестя, в нашых горах, покля што, каждый рік можеме ся тішыти снігом і морозом, а зима притігат на Лемковину дуже туристів.

В зимовым одтинку «Радийочытальні» будете мочы выслухати творів Петра Мурянкы, Івана Русенка, Івана Головчака, Теодора Доклі і Меляніі Рымар.

Запрашаме на премєровый одтинок «Радийочытальні» в суботу, 8. лютого/фебруара 2020 р., о 18.00 годині.