54. семінар карпаторусиністикы про творчіст Капральовой

Інститут Русиньского Языка і Культуры Пряшівского Університету просит в найблизшу середу на 54. науковый семінар карпаторусиністикы. Темом дальшой стрічы буде аналіза творчости русиньской поетесы Данєлі Капральовой.

На семінарі, якій одбуде ся 6. листопада/новембра 2019 р. о 13.00 год. в засідальни Consilium maius Ректорату Пряшівского Університету, з выкладом до темы Вершы Данєлі Капральвой з погляду екокритикы выступит др Михал Павліч з Інституту Русиньского Языка і Культуры Пряшівского Університету.

Традицийно, в проґрамі семінара буде презентация найновшых выдань з карпаторусиністикы.

Данєля Капральова

Данєла Капральова народила ся 12. січня/януара 1959 р. в Снині. В роках 1974-1978 студиювала на новоодкрытым фотоґрафічным одділіню Середньой Умелецко-Промысловой Школы в Кошыцях. В роках 1980-1985 скінчыла стидиі на УПЙШ в Пряшові на Катедрі Вытварной Выховы. Oд 1988 до 2013 рока робила у Выгорлятскым Музею, як кумштісторичка, в Выгорлятскій Бібліотеці в Гуменным і в Mузею Модерного Кумшту Енді Варголя в Меджелабірцях, як музеоедуколожка.

Выдала дві книжкы, в котрых мапувала творчіст народных творців: Зузанка – Помож, Боже, рано встати і Андрій Ґавула. Є членкыньом Photo Art Centrum в Кошыцях і спілпрацує з CEE фотофонд. Єй творчіст є направлена на субєктивный документ. Выставлює на Словациі і за єй границями (Чешска Республика, Польща, Мадяры, Украіна, Австрия, Франция, Сербія, Хорвация, ЗША). Была участничком тогорічной Лемківской Творчой Осени. Жыє в Гуменным і є кураторком в сниньскым каштелю.