Іван Чіжмар в ЛЕМ.фм – понедільок, 20.00 год.

В понедільок по годині 20.00 до радия ЛЕМ.фм просит нашых слухачів Іван Чіжмар зо Свидника. Послухайте кавалец проґраму:

Пан Іван буде оповідал про свою діяльніст над документуваньом і опрацуванями лемківского фольклору, про свою карєру як співака і музыканта.

Заповіме тіж выданя новой, богато ілюсруваной книгы п.н. “Колядкы Русинів, Руснаків, Лемків”, котрой спілавтором і головным редактором єст пан Чіжмар.

Слухачы дознают ся, медже інчыма, чом лемківскій пашпорт повинен звати ся “редия”? Буде про тото. чом вартат знати азбуку і кади до Санока ішла культура?

І як все в проґрамі “Пропаґанда”, будут презентуваны лемківскы погляды на справы Русинів, Руснаків, Лемків.