Танцуй з пульсом – набір до ПУНА (PUL’S)

Як чытаме на фейсбуковым сайті Піддукляньского Умелецкого Народного Ансамблю (ПУНА – PUL’S), “Роб тото, што фурт тя тішыт, а до кінця жытя не будеш мусіл робити” – так ансамбль заохочує прийти спрівувати ся в конкурсі на члена/членку ґрупы балету.

Конкурс буде проходил 17. грудня 2014 р. од 14.00 год. в балетовій сали ПУНА в Театрі Йонаша Заборского в Пряшові (Divadlo Jonáša Záborského v Prešove).

Не ждий на перший сніг – прийд вказати свій танцувальний талант!

Піддукляньскій Умелецкій Народний Ансамбль был оснований в 1955 р. цілю промувати, підтримувати і – предовшыткым – вказувати світу вокально-музычне і танцувальне богатство Русинів. За ціле істнуваня выховал понад 500 професийональных співаків, музыків, таннцюристів, котры до днес являют ся інструкторами, або членами іных фолкльорных ансамблів, так в Словациі, як і заграницьом.

Днешній ПУНА діє як професийональна лемківска інституция культуры, котра вказує найвысший рівен артистычной діяльности, будучы взором для вельох подібных лемківскых/русинькых любительскых ініциятыв того рода во світі, якы з захопліньом смотрят на кажду обшыр діяльности ПУНА – він бо окрислят абсолютну вершыну професийональности в тым просторі.