Неґатывна опінія Комісиі в справі Шлезаків

Пару місяців тому в Новинах радия ЛЕМ.фм вельократно інформували сме Вас о проєкті новелізациі уставы про нацийональны і етнічны меншыны та про реґіональний язык, в котрым ходило о причысліня до штырьох дотеперішніх етнічных меншын (караімской, ромской, татарской і лемківской), пятой – шлеской.

Жебы Сойм міг заняти ся справом, треба было до 18. липця зобрати 100 тис. підписів. За іх зобраня одповідала Выжньошлеска Рада, яка зосередила 11 шлескых стошаришынь і орґанізаций. Підписів під проєктом уставы серед Шлезаків зобрано 140 тис. Проєкт трафил до Сойму, а пак до дальшых робіт в комісиях.

В опініі з 21. жолтня (скан презентуєме пониже) з засіданя Спільной Комісиі Уряду та Нацийональных і Етнічных Меншын дознаєме ся, же Комісия неґатывні оцінила проєкт новелізациі уставы. Чытаме там м.ін., же, подля Комісиі, Шлезакы сут реґіональном соспільністю заселяючом Шлеск, а не спільнотом о етнічным або нацийональным характері, зато не выполняют критерий записаных в уставі. Вказує тіж на неґатывне влияня, якє могло бы принести вызнаня той реґіональной ґрупы – етнічном ґрупом. Більше інформаций найдете в опініі Комісиі.