Введіня во храм Пресвятой Богородиці

Днес в християне східніх Церков, ідучых за юлияньскым календарьом, празднуют єдно з дванадцетьох великых свят  – Введіня во храм Пресвятой Богородиці. Праздник был встановлений Церковом правдоподібні іщы в IV ст., а можливе, же скорше.

Введіня Пресвятой Богородиці мало місце коли Мария скінчыла три рокы, а єй родиче, згідні з обітницьом, рішыли посвятити єй на службу Богови. В тій ціли, враз з родином, близкыма нашли ся в Єрусалимі, жебы лишыти Марию при святыни. За традицийом, Мария, хоц мала лем три рочкы, без ниякой помочы вошла по 15 высокых сходах просто в обнятя первосвященника Захария, якій, направлений тайным знаком, ввюл Богородицю до Святого Святых, де сам входити міг лем раз до рока. Мария остала при святыни, оддаючы ся молитві, роботі і утверджаючы ся в вірі.

Праздник Введіня во храм Пресвятой Богородиці мат звернуту увагу вірным на тото, як важне в пізнійшым духовым жытю чловека є выхованя дітины уж од наймолодшых років, в духу Церкви і побожности.