Нова Маґура на горизонті?

В остатніх днях вказало ся перше чысло часопису „Маґура” печатаного Маґурскым Державным Парком (тот парк цілістю находит ся на Лемковині).

Новий часопис задумано як лучник медже Маґурскым Державным Парком, а вшыткыма особами ци інституциями, для котрых природа і сусідство з Парком не сут обонятны. „Маґура” мат за задачу приближыти чытачам проєкты і діяня реалізуваны і підниманы Парком, якых цілю є захороніня природы, як тіж поділіня ся спостережынями і досвідчынями працівників Парку, але і не лем, бо редакция часопису заохочат вшыткых любителів природы до присыланя дописів, як тіж інституциі, уряды, стоваришыня і інчы орґанізациі до діліня ся ефектами діянь підниманых для захороніня бескідской природы.

Часопис „Маґура” в друкуваній версиі кольпортуваний є безплатні в семох ґмінах, на обшыри котрых находит ся Маґурскій Державний Парк і в Едукацийным Осередку МДП в Крампній. В електронічній версиі мож побрати го зо сайту парку magurskipn.pl за тым мотузком.