90 років од народжіня вызначной скулпторкы

Днесь минать точно 90 років од народжіня Анны Горват, скулпторкы, ґрафічкы і журналісткы.

Народила ся Анна Горват 5. новембра в Берегові на Підкарпатьскій Руси, котра втогды належала Чехословакії. Од 1958 р. выставльовала свої роботы як скулпторка малых форм, металів на выставках в Берегові, Москві, Києві, Будапешти, Варшаві, Букурешти, Берліні, Кошыцах, Ніредьгазі ітд. Початком 90-тых років 20-го століта зробила цікл керамічных басрельєфів під назвов „Страсти Хрістовы“. Як журналістка довгы рокы робила корешпондентку новинок “Kárpáti igaz szó”.

Од 1963 рока была членков Націоналного союзу художників Україны. В році 1996 была нагороджена тітулом „Заслуженый скулптор Україны“. Умерла Анна Горват в 2005 році.

З нагоды 90-го юбілею народжіня А. Горват проходило днесь в Берегові в Закарпатьскій области Україны веце святочных подій, котры были присвячены якраз умелкыні. В рамках святкованя быв одкрытый і выставковый сал в 6-тій містній школі, де довгы рокы учіла, в котрім презентують ся образы, скулптуры і іншы творы Анны Горват, якы додали Берегівчаны і бывша штудентка А. Горват Єва Фінта. Выставка творів буде до 15. децембра, пише „Голос Карпат“.

О творчости підкарпатьской скулпторкы было написаных веце як 300 статечй в різных журналах. В часі свого жывота вытворила веце як 13 тісяч скултпру, металів, котры суть знамы нелем на Україні, але і в многых далшых державах світа.

Петро Медвідь