8. Фестіваль Калейдоскоп Культур во Вроцлаві

13. червця т.р., во Вроцлаві, на Слодовым Острові (Wyspa Słodowa), буде проходил 8. Фестіваль Калейдоскоп Культур. Тепер знаме лем термін той медженародовой імпрезы, але кєд лем явит ся полний проґрам фестівалю, принесеме го на порталь.

Як пишут на фейсбуковым фанпейджы фестівалю орґанізаторы, і в тым році буде розмаіто- кольорово. В тогорічній едициі рядити будут лемківскы, бойківскы, закарпатскы і гірско-вшелеякы климаты.

Неодолга веце інформаций!

Фундация Калейдоскоп Культур то ініцятыва медженародового діялоґу. Головна ціль той орґанізациі то едукация для взаімной толеранциі медже народами і етнічныма меншынами. Кульмінацийным пунктом цілорічной діяльности Фундациі єст Фестіваль Калейдоспок Культур, котрий одбыват ся во Вроцлаві. Фестіваль приближат мешканцям Нижнього Шлеска традиці і культуру такых меншын як Німці, Росияне, Украіцні, Жыди, Ґрекы, Ромове, Караімы, Болгары ци Русины. Фундация Калейдоспок Культур в великій мірі причынила ся до того, же і нас-Русинів зачали достерігати в столици Нижнього Шлеска.

За тым мотузком находит ся сайт Фундациі Калейдоспок Культур.

фото: Фейсбук