«70%» – З Жеґєстова до Галича – ч. 3 – неділя, 18.00 год.

Як чытате тот текст, то, очывидні, і видите пред ним репродукцию твору Стефаніі Русиняк «Весіля на Лемківщыні». Она родом з села Верховня Велика, і малювала, споминаючы рідне село. А наша днешня респондентка, пані Стефанія Крук (з дому Собчышак), кєд вказала єм єй тоты малюнкы, повіла, же весіля, а і вшытко, што намалювала наівна малярка з Верховни, цілком такє само, як і она памятат з рідного Жеґєстова. Але што в тым дивного, як то сусідні села!

То як святкували колиси весіля в Жеґєстові? Тото дознате ся з нашой передачы. А я лем хочу подякувати нашым слухачам, якы молили ся, кєд просили сме о молитву – о молитву, жебы внук пані Стефаніі Крук щестливо вернул з фронту домів. Вернул щестливо! Бог вам заплат, дорогы слухачы!