«70%» – З Ванівкы в Вербилівку… – неділя, 18.00 год.
Коли Янка з дітми і внуками першый раз пришла по долгых роках з Рогатина до свого села, єй найбільше здивувало… не повірите! Не тото, што село ся змінило, не новы домы, нова дорога ци інчы зміны! А тото, же в Ванівці коло церкви нихто не поставил ниякого памятника. А преці ту похоронено в єдній могылі по фронті тілько вояків!
Але днеска бесідуєме не лем о войні, а більше о выселіню з Ванівкы і поневіряню в першы рокы жытя в радяньскым «раю».
На знимці видите пані Янку Ромах (з дому Смагула) і єй внучку Надію. А од лівой стороны – свічкы в формі писанок, якы робит пані Надія Окрепка-Сердюк. То власні тоты свічкы виділа-м в фейсбуку – і так познала-м ся з іх авторком, а пак і з єй бабусьом.
Повязаны дописы
Ґорлиці 106,6 MHz
