«70%» – З Рыхвалду до Свіржа, ч. 2 – неділя, 18.00 год.

Де бы мы не ішли, всядиль на дорозі видиме знакы, якы підповідают, што нас чекат дале, вказуют, яком дорогом іхати, жебы прити до конкретного місця, не заблудити.

А памятате, як то быват в байках? Часто хтоси приходит до місця, де єдна дорога ділит ся на дві ци три. І яком іти? Знаків дорожных неє, стоіт лем великій камін. На камени вырыто напис, якій, на жаль, нич не выяснят і не помагат, а переважні утруднят выбір. Підеш на право – буде недобрі, підеш на ліво – тіж планно, підеш просто – буде біда…

В нашым примірі то выглядало бы так: підеш на ліво – вернеш до рідного села, але не на долго, підеш на право – то підеш на чужыну, але з родином…

Кілько же то такых каменів стояло на дорогах Лемків! О тым і не лем о тым – в днешній передачы…