«70%» – Як то ся робит? А тiж о тым, як то ся росне і як то ся вчыт вшытко на світі робити – ч. 8 – неділя, 18.10 год.

Вырастаня з дітинства, дорастаня до дорослости, зрілости колиси на Лемковині значыло і опануваня вшыткой роботы, яку в жытю приде ся робити.

Але днеска побесідуєме тіж і о інчій зрілости – то зріліст в однесіню до родичів, діда і бабы, нашых предків і до того цінного, што они можут нам передати; зріліст в однесіню до нашой колективной, а і родинной памяти, до нашой істориі і культуры.

«70%» – передача од Лемків переселеных на Украіну. Проґрам рыхтує Анна Кырпан, потомна переселенців. Кєд цікавит вас дашто, або хочете ся дачым поділити, пиште до авторкы проґраму: 70procent@lem.fm.