70 років од освободжіня Калинова

Русиньска оброда на Словеньску вєдно зо селом Калинів, Клубом воєньской історії Свобода і Клубом воєньской історії Полом Вас 20. септембра 2014 р. сердечно запрашать на подію, котра одбуде ся з нагоды 70-го выроча першого освободженого села в Чехословакії – Калинова під назвов „Калинів 1944 – 2014“.

Проґрам події зачінать задушнов службов за жертвы освободжовачіх боїв, буде продовжовати кладжіньом вінців ку памятнику і приятьом гостів на Сельскім уряді.

Пообіді уж участных чекать културный проґрам, в рамках котрого выступлять і дует Миколая а Наталії Патрашовскых, ці Піддукляньскый умелецькый народный ансамбель. Чекають на вас і реконштрукції боїв за освободжіня села.

Вступ є добровольне 1 евро.