«70%» – Мовосвіт лемківской пісні – ч. І – неділя, 18.00 год.

Але ци до вшыткого тот принцип пасує? Наприклад, ци можеме в такій спосіб зрозуміти, як діє… співанка? Ци можеме єй розобрати на дрібны части-цеголкы, як то Леґо? Но, я, може, і не потрафлю николи того, а філолоґ Наталия Лісняк добрі знає штоси такє робити. Власні і книжка «Мовосвіт лемківської пісні», в якій она єст спілавторком, тото може потвердити. Бо то як раз сут лемківскы співанкы, розобраны на части, поділены на малы кавальчыкы. І лем тепер, коли цілый механізм розложено на столі, аж до остатнього колічка, нам добрі видно… А што видно – о тым побесідуєме в днешній передачы.