«70%» – Лемкы в Різдвянах, ч. 3 – неділя, 18.00 год.

Хто де – а мы зас в Різдвянах коло Бурштына. Глядаме слідів Лемків, глядаме бодай кус лемківского… І стрічаме пана Нестора Русиняка. Він вродил ся в Андриівці, але ани не знат, ци бодай кус походил по лемківскій земли, бо мешканців Андриівкы в 1945 році выселили на схід. Тото село на заході Лемковины – лем місце народжыня для него, нич більше.

Але… посмотрте на фотоґрафію, де він стоіт пред хыжом з женом Марийом. Ци вірите, же тот чловек такой з 1944 рока? Вірите, же за пару дни йому ся сполнит 79 років? Но власні, трудно в тото повірити. Бо пан Нестор і в душы чує ся, і выглядат дост молодым. Як йому тото ся удає? Дознате ся, кєд послухате нашу передачу…