«70%» – Лемковина з Рудна, ч. 9 – неділя, 18.00 год.

Днес в цикли про ансамбль Лемковина спід Львова нашла ся передача, де про тот ансамбль фактичні нихто не бесідує. Зато маме гейбы перерву од Лемковины. А тымчасом перенесеме ся на лемківску землю, в давны часы, на плебанію в Устю Рускым…

Часто чуєме, як дахто ностальґічні споминат стары, добры часы. Є, стары, але на кілько добры?

Подаєме горі фото з тых старых, добрых часів з архіву родины Соболевскых. Видиме на ним священників і іх родины, якы недавно вышли з Талергофу. Горі, другій од правой стороны стоіт отец Михал Соболевскій. Ниже в світлій сукєнці видиме його жену Юлию Соболевску з Дуркотів. На колінах імость тримат іх маленьку дівочку Янку. То май 1917 рока. Вшыткы іщы пребывают в Австриі, в Шванберґу і єдно ім на мысли – щестливо вернути на рідну землю…

Цікаве фото, дост дуже можеме з него одчытати… А більше о старых, добрых часах дознате ся з днешньой передачы.