«70%» – Лемковина з Рудна, ч. 7 – неділя, 18.00 год.

Львів, конец шістдесятых років минулого уж столітя… Лемківскій хор… Хор Лемків – люди, землі якых неє, люди, якых і самых гейбы неє… А зато – бодай в пісні мусят они быти! Бодай в пісні мусят они вказати, же жыют, же сут, же іх культура ма найвысшый рівен!

Но то… што співати? І як співати? Як мала бы прозвучати лемківска співанка, жебы ожывити серця Лемків, пробудити тых, што кус уж забыли рідне, а і заставити цінити лемківскы скарбы не-Лемків? До кого ся звернути, жебы обробил співанкы для концертного выконаня, для высокой сцены? Хто найліпше знат одчути лемківскій мелос?