600 років села Воліця

Сельскый уряд у Воліці вас сердечно запрошать на културну подію – русиньскы фолклорны свята під назвов У Воліці весело, якы одбудуть ся із нагоды 125-ой річніці заснованя Добровольного пожарніцького збору і 600-го юбілею вынинкнутя села.

Святкованя буде проходити 1-го і 2-го авґуста 2015 р. В суботу 1-го авґуста о 11.00 год. можете быти участны на змаганю Добровольного пожарницького збору. Од 19.00 год. буде народна веселіця, на котрій буде грати ґрупа Юно із Чірча.

В неділю 2-го авґуста од 14.00 год. буде проходити културный проґрам під назвов Што докаже Воліця. Модеровати го буде Імріх Гопта і выступати будуть домашні Патріція Сендеракова, Михаела Рабайдова, родина Ясикова, Борис Янух і Фолклорный колектів Волянка. З гостів ся можете тішыти на ФК Зорніця, ФК Камяна, выступить і Роланд Ґуба, братя Зъятіковы, Русинія, перша дама нашой народной співанкы Марька Мачошкова і гуморным словом проґрам обогатить Кум Мачанка – Іґор Латта.

Покровительство над подійов перевзяли підпредседа влады Словацькой републікы Роберт Калиняк, депутат словацького парламенту Любош Мартінак, председа Пряшівского самосправного краю Петер Худік і депутат пряшівского крайского парламенту Адріян Калиняк. Вступ на подію є бесплатный.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА