В середу, 4. марця 2020 р. в просторах Інституту Русиньского Языка і Культуру Пряшівского Університету в Пряшові пройде дальшый, 56. науковый Семінар карпаторусиністикы. Слідуюча стріча буде посвячена темі річниці выголошыня кодифікациі русиньского языка на Словациі.
З лекцийом нт. «25. років русиньского літературного языка на Словациі очами кодифікатора» выступит доц. ПгДр. Василь Ябур. То як раз Василь Ябур был одповідальный за кодифікацию русиньского языка на Словациі по революциі 1989 р. В 1995 р. разом з доц. ПгДр. Юрийом Паньком , был головным кодифікатором русиньского языка на Словациі. Святочне выголошыня кодифікациі одбыло ся 25. років тому, 27. січня/януара 1995 р. в Братиславі. Василь Ябур за вшыткы рокы єст автором, або спілавтором, многых публикаций і учебників до русиньского языка.
Семінар традицийно одбуде ся в бібліотеці карпаторусиністикы. Як каждый раз, так і тепер, в проґрамі семінара буде тіж презентация найновшых выдань з обшыри карпаторусиністикы.