70% – Лемковина з Рудна, ч. 5 – неділя, 18.00 год.

Нераз можеме чути, же Лемкы мало пишут о собі, за мало пишут о своій істориі. Звідуєте, де писати? А всядиль! Всядиль доокола!

Напримір, видите ту на знимці дост скромну хыжу в околици села Рудно під Львовом. Тота хыжа тіж ма свою історию! Як раз ту першый раз в 1969 році зышли ся вшыткы люде, якы рішыли зорґанізувати ансамбль Лемковина.

То ци не лоґічным бы было замістити на стіні того дому ци при улици якісу таблицю, з якой могли бы сме довідати ся, што Лемковина зачала ся власні гын? І же зо вшыткых дооколишніх хыж Лемкы одраз вписали ся до того ансамблю…

Як раз про тото і наша днешня передача…