13 найбарже гляданых…

В Музею Енди Варголя в Пітсбурґу од суботы 27. вересня мож обзерати працы короля поп-арту Енди Варголя, названы 13 найбарже гляданых люди. То фотоґрафіі 13 осіб, взяты з документів нюйоркской полициі, якы в 1962 р. являли ся найбарже небезпечны для американьского соспільства.

З тым звязаний єст малий скандаль. Енди Варголь, рыхтуючы в 1964 р. ґрафічний фон павільону штату Ню Йорк на нюйоркскій Світовій Выставі, рішыл дати знимкы 13 криміналістів, што выкликало великє порушыня серед орґанізаторів, бо было не до принятя для участників і обзераючых, не привыкненых на так одважны і контроверсийны образы. Конец-кінцьом, працы Е. Варголя остали замалюваны срібном фарбом.

Варголь свою ідею резлізувал і пізнійше, представляючы в Парижы в 1967 р. в ґалериі Зонабенд (Sonnabend) 20 найбарже гляданых люди.

Пітсбуржску выставу мож обзерати до 4. січня 2015 р.

Варгольовых 13 найбарже гляданых люди мож видіти за тым мотузком.

(фото: Wikipedia)