12 липец – ден памяти св.св Первоверховных Апостолів Петра і Павлa

Днес, 11 липця, богослужынями о 17.00 год. в православній церкви Покровы Пресвятой Богородиці в Ганьчові зачне ся праздник св.св. Первоверховных Апостолів Петра і Павла. Заран святочны богослужыня будут проходити на Горі Явір в Высові, літургія з посвячыньом воды зачне ся о 10.00 год., а о 12.00 зачне ся служба в грекокатолицкій церкви в Креници, для якой буде то храмове свято.

З нагоды свята желаме вшыткым Петрам, Павлам і Павлинам вшыткого доброго – най ся вам веде, каре і щестит. 

А особливо редакция лем.фм поздравлят:

* Петра Мурянку – лемківского учытеля, дириґента, діяча, редактора і писателя,

* Павла Штефанівского – лемківского діяча і поету

* Павла Стафиняка – долголітнього члена Стоваришыня Руска Бурса

* Павла Маґочія – професора з Університету в Торонто

* Петра Михаляка – долголітнього члена Стоваришыня Руска Бурса

* Петра Мороха – полномічника ґорлицкого старосты дс. нацийональных і етнічных меншын

* Петра Криницкого – тлумача світовой літературы на лемківскій язык

* о. Петра Пупчыка – пароха креницкой православной церкви св. Владиміра

* і нашых спілредакцийных колеґів: Павла Ханаса, Петра Медвідя і Павла Малецкого 

Ретрансмісия святочных богослужынь зареєструваных рік тому в Ганьчові і на Горі Явір днес на антені радия ЛЕМ.фм о годині 18.30 і заран о 9.30.

Св. Петра і Павля 2004 (фот. архів лем.фм)

Св. Петра і Павля 2009 (фот. архів лем.фм)