Лемківска собітка в Коросні

Театр Сцена ПРЛ, ансамбль А Де То Колиси Грало (A Gdzie To Dawniej Stroiło) та коросняньскій Бар Моніка зас просят на “Лемківскій Вечер”.

О першій стрічы з того циклю, проходячій в вересни 2014 р., на котрій присутны могли спрібувати лемківскых страв, выслухати оповідань о тым, як то колиси было на Лемковині і выслухати концерту ансамблю А Де То Колиси Грало (A Gdzie To Dawniej Stroiło), писали сме на нашым портали і заохочували до участи (до прочытаня – за мотузком). Ведучым товдышньой імпрезы был знаний польскій етноґраф, реґіоналіста, автор і спілавтор вельох книжок і дописів, тыкаючых ся етноґрафіі Карпат, інвентаризациі і охороны забытків, істориі штукы, специяліста істориі лемківской каміняркы – др Тадеуш Лопаткєвич.

По успішным першым Вечері, до орґанізаторів зачали доходити інформациі, же… треба такє повторити. Зато і 26. червця 2015 р. в коросняньскым Барі Моніка зас одбуде ся “Лемківскій Вечер”, тым разом названий “Лемківска Собітка”, котрий зачне ся од 19.00 год.

В проґрамі:

• Слідами неістнуючых і осталых сел,
• Кухня, рукоділо і оповісти Лемків,
• Мультімедияльны презентациі,
• Концерт ансамблю А Де То Колиси Грало (A Gdzie To Dawniej Stroiło).

Початок: 26. червця 2015 р (пятниця) о 19.00 год.

Вступне: 10 зл.

Резервация білетів: тел. 13 43 217 32.

А так бавили ся участникы влони на першым “Лемківскым Вечері” 12. вересня 2014 р. Дякуєме за присланя знимок п. Пжемкови Поляньскому з Артистычной Аґенциі СЦЕНА ПРЛ (автором знимок єст Лукаш Зайдель).